Goue stories uit die lewe van Faatimah (RA)

'n Versameling stories en kort biografie van die Koningin van Jannaah, Faatimah (RA)

Faatimah (RA), die koningin van Jannah, was 'n voorbeeldige vrou. Sy het 'n kort lewe van ongeveer 29 jaar geleef, maar sy het 'n groot nalatenskap agtergelaat. Die goue beginsels waarvolgens sy haar lewe geleef het, sal in die sand van tyd geëts bly. Haar lewe dien as 'n ideale model vir vroue van elke era. Elke faset van haar lewe is waardig om deur vroue nagevolg te word. Sy was 'n gehoorsame dogter vir haar ouers, 'n lojale vrou vir haar man en 'n sorgsame ma vir haar kinders.

Haar gedrag is die standaard van uitnemendheid in tye van eenvoud en kompleksiteit. Sy het 'n uitstekende voorbeeld ten toon gestel in tye van finansiële probleme en karige middele. Sy het die mensdom geleer hoe om met min te volstaan, al was sy die dogter van die grootste van alle leiers. Sy het die leerstellings van Islam gevolg en het onwrikbare oortuiging gehad in die beloftes van Allah Ta'ala. Haar beskeidenheid, eenvoud, opregtheid en standvastigheid was werklik uitstaande.

Ongelukkig het baie van ons vrouemense die maniere aangeneem van filmaktrises, sangers en skoonheidskoninginne wie se lewens deurdrenk is van sonde en onsedelikheid. Gelukkig bied die lewe van Faatimah (RA) vir hulle 'n alternatief